Во Пијанец и Малешевијата засадување на 53 илјади садници
Во Пијанец и Малешевијата во рамки на кампањата „Ден на дрвото“ за денеска е најавено дека ќе бидат засадени 53 илјади садници.
Во Делчево и Македонска Каменица ќе се сади бор и багрем, а планирано е да се засадат 15 илјади садници на површина од 7 хектари.
Според информацијата на директорот на ЈП „ Голак“ Делчево, Јордан Димитровски, акцијата ќе се спроведе на три локации.
- Во Делчево ќе се засадат садници на локалитетот Еленин Врв кај селото Очипала, исто така и во центарот на Делчево покрај новиот парк, како и традиционално, садници ќе се посадат на ГП Делчево. Додека во Македонска Каменица ќе се засадат садници кај селото Дулица, рече Димитровски.
Во Малешевијата ќе се засадат 38 илјади садници. Според информацијата на директорот на ЈП „Малешево“, Никола Атанасов, само во Берово ќе се засадат 25 илјади садници, додека во Пехчево 13 илјади.
- 25 илјади садници на црн бор, багрем, јавор и јасен планирано е да се засадат во Берово на три локации со површина од 10 хектари. Акцијата ќе се одвива на локациите: Јуовец, Тонтев Рид кај Беровско Езеро и Криви Дол, истакна Атанасов.
Во акцијата за пошумување ќе бидат вклучени учениците од училиштата во регионот, како и граѓани за кои е обезбеден превоз до локациите за пошумување
Ново на Сител
-
Не се срамев од работа, успеав на село со свој бизнис | Сања Димковска | Sitel Podcast 041
-
Тројно убиство во Србија: 22 годишник со ловечка пушка ги убил татко му, дедото и бабата
-
МЗ: Владата усвои информација за состојбата во хируршките клиники, се укажува да се замени опремата на централната компресорска станица со нова
-
Во полициска акција во шест европски земји уапсени 17 членови на албанска нарко организација
-
Тешко повреден работник во фирма во Скопје
-
Финансиска и логистичка поддршка за македонскиот олимписки спорт од меѓународните олимписки организации
-
239 куршуми одземени од кичевчанец
-
Малолетно девојче нападнато и ограбено во Аеродром