Во Пеќ уапсено лице кое повикувало на терористички напади за велигденските празници
Косовската полиција уапсила жител на Пеќ, кој повикувал на тероритички напади во Косово, во пресрет на големиот христијански празник, Велигден.
Според косовските медими, уапсеното лице е Ракип Абдули по потекло од Опоја кај Драгаш, а живеел во Пеќ, кој последните денови јавно, преку социјалните мрежи повикувал на напади за време на велигденските празници.
Абдули и претходно бил набљудуван од полицијата.
Косовската полиција пред два дена воведе посебни мерки за безбедност токму поради опасноста од евентуални терористички напади, а околу црквите и манастирите има 24 часовно полициско присуство.
Работното време на косовските полицајци е продолжено до 12 часови дневно.
Премиерот Иса Мустафа завчера го свикал Националниот совет за безбедност на Косово поради „опасноста од евентуални терористички напади“, како и поради „полтичката криза во Косово, Албанија и Македонија“.
И американската Амбасада ги предупреди своите граѓани во Косово да бидат внимателни поради евентуални терористички напади за време на велигденските празници.
Амбасадата на САД во Албанија, исто така, апелираше до своите граѓани во ова земја да бидат внимателни порад истите причини, а полицијата ги зајакна безбедносните мерки.
Ново на Сител
-
Мицотакис: Ги предупредуваме нашите северни соседи, не почнавте добро, престанете да правите сметка без крчмарот
-
Претседателката Сиљановска Давкова го прими кинескиот амбасадор Џанг Ѕуо
-
Изет Меџити ќе биде прв заменик претседател на Владата
-
За септември одложен почетокот на повтореното судење за пожарот во модуларната болница во Тетово
-
Се заканувал на странска амбасада - Кривична пријава за прилепчанец
-
ЦУК: Заглавена екипа на Брза помош со пациент во лифт
-
До петок нестабилно време со дожд и грмежи, за викендот стабилно и топло
-
Јаневска: Во септември ќе има учебници за основно образование и за средно во најголем дел