Во Пехчево секој понеделник ќе работи канцеларија за издавање лични документи на граѓаните

Во Пехчево почна со работа канцеларијата на МВР за вадење лични документи. Канцеларијата ќе работи секој понеделник од 08:00 до 15:00 часот.

-Во канцеларијата граѓаните ќе можат да извадат лични документи (лична карта и пасош), како и возачки дозволи. Таа е сместена во Полициската станица во Пехчево, информираа од Општина Пехчево.

Досега граѓаните на Пехчево за издавање на нови лични документи ја користеа канцеларијата во Берово.

-Со ова овозможуваме конечно да се реши проблемот со вадење нови лични или замена на изгубени документи за кои граѓаните патуваа до соседната општина, додадоа од Општината.