Во Пехчево 330 ученици ја почнаа учебната година
Во општинското основно училиште „Ванчо Китанов“ во Пехчево денеска навреме започна новата учебна година. Градоначалникот на Општина Пехчево, Драган Тренчовски упати честитки за првиот училишен ден и на сите ученици им посака успеси во новата наставна година.
- Од денеска започнува вашата трка по знаења во која од ден на ден ќе бидете се побогати и побогати со нови знаења. Колку ќе бидете вредни, упорни и истрајни во таа трка, толку ќе успеете да станете почитувани и ценети граѓани на Пехчево и на Република Македонија. Но, за да го постигнете тоа, за да ги откриете сите тајни на математиката, македонскиот јазик, запознавањето на околината, музичкото, ликовното и физичкото образование, треба редовно да ги исполнувате вашите училишни задачи и да бидете вредни, активни и дисциплинирани ученици, порача градоначалникот Тренчовски.
Локалната самоуправа од Пехчево на сите првачиња им додели училишен прибор. Во пехчевската деветолетка настава првпат ќе следат 20 првачиња. Вкупниот број ученици во деветолетката изнесува 330 ученици.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време