Во Нигерија откриена „фабрика за бебиња“, спасени трудници и бебиња

Нигериската полиција спаси 19 заробени трудни девојки и млади жени кои биле киднапирани, силувани и приморани да раѓаат бебиња кои киднаперите после ги продавале.

Портпаролот на локалната полиција Бала Елкана рече дека жените и четири бебиња биле спасени на четири локации во областа на Лагос. Жртвите на таканаречените „фабрики за бебиња“ по потекло се воглавно од источна Нигерија кои биле намамени во Лагос со ветувања дека ќе добијат работа.

Уапсени се две лица, а по првоосомничениот се уште се трага.

Елкана соопшти дека бебињата се продавале за суми од 830 до 1.400 долари.