Во мај повисоки продажните цени на индустриските производи

Продажните цени на производителите на индустриските производи на домашниот пазар во мај биле повисоки за 0,8 проценти на месечно ниво и за 0,5 проценти на годишно ниво, објави денеска Државниот завод за статистика.

Во споредба со април, продажните цени се повисоки во групите Нетрајни производи за широка потрошувачка за 1,6 отсто, Трајни производи за широка потрошувачка за 1,5 и Интермедијарни производи, освен енергија за еден процент, додека во групата Капитални производи се на исто ниво. 

Во однос на мај минатата година, продажните цени се повисоки во групите Капитални производиза 7,6 проценти, Трајни производи за широка потрошувачка за 3,9 проценти, Енергија за 1,6 проценти и Нетрајни производи за широка потрошувачка за 0,3 проценти.