Во Куманово протестен марш на иницијативата „За заедничка Македонија“
Кумановци и вечерва се приклучија на протестниот марш на иницијативата „За заедничка Македонија“ и уште еднаш ги упатија пораките за унитарна Македонија и за отфрлање на тиранската платфора.
Граѓаните маршот го завршија пред Центарот за култура на кој се обратија Звонимир Стојановски и актерот Владо Дојчиновски.
Стојановски го поздрави ставот на претседателот Ѓорге Иванов дека и после посетата на еврокомесарот Јоханес Хан не ја сменил одлуката во врска со формирањето Влада дека нема да даде мандат на која било партија или поединец, доколку во својата програма има наведено точки во кои барањата се со цел редефинирање на државата и од унитарна, единствена ја прават, бинационална, федерализирана и удираат по темелите на Република Македонија.
Актерот Дојчиновски рече дека друга земја немаме и дека граѓаните сакаат да живеат во заедничка земја. Граѓаните протестираат, додаде, за отфрлање на тиранската платформа.
- Толку ли е тешко да се каже дека се отфрла таа тиранска платформа и да се заврши работата. Ни ветуваа дека од тоа нема ништо, видовме денеска. Една од работите ја направија за кои велеа дека не е точно, рече Дојчиновски.
Додаде оти пет века сме биле под османлиска власт и никој не ни наметнал друг јазик, секогаш се зборувал македонскиот.
- Ако ја изгубиме нашата земја, ако и наштетиме, тие што ја пролеале таа крв за нас ќе не колнат, рече Дојчиновски.
Порача дека секој ден ќе се излегува на улиците и ќе се искаже револтот против секој оној кој ќе ги гази интересите на оваа земја.
По завршување на маршот и на говорите, учесниците на маршот донираа средства на пунктовите на Црвениот крст во Центарот за култура, наменети за кумановското семејство Маринковски за кого вечерва се организира хуманитарен концерт.
Ново на Сител
-
Граѓаните кои поседуваат легално оружје од сега ќе можат да набавуваат муниција директно во овластените правни субјекти
-
Кривична за градоначалникот на Кичево, одобрил оформување дива депонија и ја загрозил животната средина и природата
-
Студентскиот дом „Кузман“ готов до 2026та, во план е да се реновираат сите студентски домови
-
Меџити: По пожарите ќе се пошумува секаде каде што е потребно
-
Нестабилно со пороен дожд и грмежи од утре попладне до четврток
-
Обвинетиот за нападот на градоначалничката Арсовска не се чувствува виновен, започна доказната постапка
-
18-годишен мотоциклист почина откако се судри со „бмв“ со швајцарски национални ознаки
-
Собранието ја констатира оставката на претседателката на ДКСК Татјана Димитровска