Во Кратово тренинзи „Нова генерација органски фармери“
Со првата дводневна обука која викендов ќе се одржи во Кратово, започнува серијата обуки за премин од традиционално кон сертифицирано органско производство на храна, во рамки на проектот „Произведувај органски-пакувај еколошки“, што здружението Граѓански центар за одржлив развој „ЕГРИ“ од Крива Паланка го имплементира со здружението „НИЕ“ од Ќустендил, Бугарија.
Проектот се реализира со средства од ИПА Програмата на Европската унија за прекугранична соработка помеѓу Република Бугарија и Република Македонија.
- Обуките на тема нова генерација органски производители следува по претходно имплементираното роад-шоу што караванот ЕГРИ-НИЕ го спроведе во неколку градови од пограничниот регион Бугарија-Македонија. Обуките ќе ги спроведат експерти од земјоделските факултет од Скопје и Софија, одговорни за сертифицирање на органски производители на храна, информира Андирана Ивановска-Давитковска, проект менаџер од ЕГРИ, Крива Паланка.
Учесници на обуките ќе бидат дваесет локални производители -земјоделци.
- Тренингот ќе го проследат по десет земјоделци од двете страни на границата кои пројавија интерес за тоа и беа селектирани од страна на проектниот тим. Тема на обуката ќе биде „Премин од традиционално кон органско производство, сертификација и маркетинг на органски продукти, додаде Ивановска-Давитковска.
Обуките ќе се спроведат во три дводневни сеси, по што ќе следи студиска посета на успешни органски фарми во регионот.
Ново на Сител
-
Намалени производството и продажбата на шумски производи
-
Тинејџерка со автомобил излетала од патот, тешко повредена сопатничката
-
За 216,2 отсто зголемени откупот и продажбата на земјоделски производи
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани