Македонија
14. July 2016 - 14:35

Во Кочани „Топол културен бран 2016“ со богата програма

Годинешниот „Топол културен бран 2016“ во општина Кочани кој ќе се реализира во две етапи во јули и август донесува богата програма од областа на класичната музика, театарската, ликовната уметност и фолклорот.
 
Годинешниот „Топол културен бран 2016“ ќе започне со концертот на гудачкиот квартет „Вива стрингс“ од Скопје, беше посочено на прес-конференцијата денеска, на која Голубинка Горгиева, од Одделението за општествени дејности на општина Кочани, ја претстави годинешната програма.
 
- Во периодот од 15 до 30 јули ќе биде прикажана и театарската претстава „Љубовници“ во изведба на МНТ од Скопје, како и концерт на поп групата„Игуана“ од Кочани, изјави Горгиева.
 
Втората етапа од „Топол културен бра“ која ќе се реализира од 15 до 30 август во Кочани донесува концерт на фолклорните герупи и ансамбли кои работат во општината.Тоа се фолклорните ансамбли„Кочани“Руен“,„ЉупчоСантов“, „Мугри“ и ромскиот фолклорен ансамбл „Пралиппе“.
 
Во центарот за култура ќе биде приредена изложба под наслов„Здивот на летото“ со претставување на дела од посетителите на Школата за цртање и сликање при Центарот за култура „Бели мугри“.Ќе биде прикажана и преставата „Дафина од Серез-некрстени денови„ со КЦ „Скрб и уртеха“ од Скопје, а ќе се одржи и  камерен концерт на Александра Коцева и Глигор Гелебешев.
 
Годинешната манифестација „Топол културен бран 2016“ финансиски е поддржана од Министерството за кулртура и општина Кочани.