Во Кочани акција за помош на настраданите од поплавите во Скопје и Тетово
Општина Кочани во соработка со Црвениот крст на Република Македонија, општинската организација Кочани и невладината организација „Благородна мисија“ од изутринава организираат хуманитарна собирна акција за помош на настраданото население од поплавите во Скопје и Тетово. Пунктот е поставен на Градскиот плоштад, пред супермаркетот „Тинекс“ каде граѓаните и правните субјекти можат да ја искажат својата солидарност и да донираат.
- Согласно информациите добиени од терен, Црвениот крст на Република Македонија апелира да се донираат следниве артикли: конзервирана и бебешка храна, пелени, вода за пиење, средства за хигиена, средства за дезинфекција. Пунктот ќе биде отворен во периодот од 12 до 16 часот, а ќе продолжи и наредните дена, изјави секретарот на Општинската организација на Црвениот крст од Кочани Анета Коцева.
Таа информира дека заинтересираните правни субјекти и граѓани дополнително можат да се вклучат и со обезбедување парична помош и да донираат на жиро-сметката на Фондот на солидарност 300000001327966 ДБ 4030984271620 – Комерцијална банка.
Граѓаните можат да донираат 100 денари со повик на телефоните: 075/070/077 143-400.
Пунктови за донација се отворени и во општините Зрновци, Чешиново Облешево и Виница и се наоѓаат пред општинските згради.
Ново на Сител
-
Опожарен стан во Ѓорче Петров, гори ѓубриште во домот „Ранка Милановиќ“
-
Русија осуди тинејџер на 12 години затвор поради испраќање пари на армијата на Киев
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава
-
Србија: Го величел напаѓачот пред израелската Амбасада во Белград и признал дека ја поддржува ИД
-
Пожарникари од четири земји и ова лето ќе бидат лоцирани во Грција за да помагаат во гаснењето на пожарите