Во кичевските училишта поставени вреќи за собирање пластичен отпад
Во рамките на проектот „Иновативни локални алатки и пилот тестирање за селектирање, собирање и рециклирање на ПЕТ пластичен отпад од домаќинствата во Кичево“, кој го спроведува Центарот за развој на заедницата, денеска во кичевските училишта се поставија „Џамбо вреќи“ и постери со правила.
Здружението Центар за развој на заедницата, Кичево во соработка со три основни - Санде Штерјоски, Кузман Јосифоски - Питу и Д-р Владимир Полежиноски и две средни училишта - Мирко Милески и Дрита од Кичево и откупна фирма Евроконтакти од Прилеп, во следните 16 месеци, започнувајќи од јануари 2017 година до 30 април 2018 година во Кичево започна да го спроведува проектот „Иновативни локални алатки и пилот тестирање за селектирање, собирање и рециклирање на ПЕТ пластичен отпад од домаќинствата во Кичево“.
Проектот е со вкупен буџет од 46.637 американски долари, од кои 24.538 американски долари се обезбедени од страна на Глобалниот еколошки фонд програма за мали грантови Македонија, додека остатокот е обезбеден со учество на Здружението Центар за развој на заедницата Кичево, петте училишта и откупната фирма Евроконтакти од Прилеп.
Четворицата едукатори веќе работат со учениците од основните и средните училишта во делот на едукација на самите ученици за целокупниот процес и на собирање, селекција и рециклирање на самата пластика. Во рамки на проектот на повеќе собирни пунктови во кичевските училишта денес беа поставени „Џамбо вреќи„ и постери со правила, истакна Елизабета Ристеска, проектен координатор.
Ново на Сител
-
Речиси 1.900 камиони со хуманитарна помош се дистрибуирани минатата недела во Газа
-
Поранешниот премиер на Чад осуден на 20 години затвор за поттикнување насилство
-
Европски лидери: Границите не можат да се менуваат со сила, не може да се одлучува без Киев
-
Трамп ја номинираше Тами Брус за заменик-претставник на САД во Обединетите нации
-
Ен-Би-Си: Белата куќа размислува да го повика Зеленски на Алјаска
-
Дваесет и четири години од загинувањето на бранителите кај месноста Љуботенски бачила
-
„Волстрит џурнал“: Украина и ЕУ предлагаат договор за прекин на огнот со Русија
-
Сончево и многу топло време со температура до 39 степени