Во Кичево протестен марш за поддршка на иницијативата „За заедничка Македонија“
Пред Домот на културата во Кичево и вечерва се одржа протестен марш со кој граѓаните дадоа поддршка на граѓанската иницијатива „За заедничка Македонија“.
- Браќа и сестри Македонци, Албанци, Турци, Роми, Власи, Срби, Бошњаци и сите останати продолжуваме со нашата борба за зачувување на унитарноста на нашата татковина Македонија. Секојдневно ни се приклучуват наши сограѓани без разлика на етничката или верска припадност. Вечерва имаме голема подршка од влашката заедница, истакна Даме Силјаноски, кој говореше во името на граѓанската иницијатива.
Во име на влашката заедница се обрати Коста Галиманоски, кој рече дека Власите од Кичево и од цела Република Македонија не сакаат платформи со кои ќе се урива унитарноста на Република Македонија.
- Ние секогаш сме биле за заедничка мултиетничка Македонија. Помина времето кога за Македонија одлучуваа другите. Овој пат ќе докажеме дека за иднината на нашата земја ќе одлучиме ние нејзините граѓани, додаде Галиманоски.
Протестниот марш продолжи низ улиците на Кичево.
Ново на Сител
-
Тема на денот со Петар Арсовски, политички аналитичар
-
Бугарскиот амбасадор повикан на разговор во МНР поради пробиениот протокол на средбата Силјановска - Радев
-
Навреди од ко-претседавачот
-
Комитетот утре влегува во М-НАВ, од нив зависи дали и Обвинителството ќе отвори истрага
-
Какви незаконски работења откриле контролите на Фондот за здравствено осигурување во ЈЗУ
-
Вреди: Без амин од ДУИ ниту една фирма не може да добие ниту еден денар
-
Ѓорѓиевски: Градоначалниците се недопирливи
-
Обид за убиство во Кочани - напаѓачот е фатен и приведен