Во Канада евакуација на уште 12 илјади луѓе поради пожари
Уште 12 илјади луѓе добија известување да ги напуштат канадските нафтени кампови во близина на градот Форт Мекмареј, во кој изби пожар, јави Би-Би-Си.
Претсавник на локалните власти изјави дека вчера е наредена евакуација за осум илјади лица, како мерка за претпазливот, а четири илјади луѓе претходно се известени дека мора да се евакуираат.
Во големиот пожар се уништени околу 2.400 објекти. Поголеми пожари моментално беснеат надвор од градот, но повторно има опасност за градското подрачје.
Пожар и натаму беснее на околу 2.410 квадратни километри, а се предвидува дека нема да биде изгаснат уште неколку недели.
Одреден број работници во нафтените компании почнале да се враќаат во објектите северно и јужно од Форт Мекмареј, во канадската покраина Алберта, со цел повторно да го активираат производството.
Властите меѓутоа вчера предупредија дека пожарот почнал да се движи со брзина од 30 до 40 метри во минута кон северниот дел на овој град.
Регионот Вуд Бафало ги зајакна денеска мерките за претпазливот и евакуирани се сите работнички кампови на нафтените платформи северно од Форт Мекмареј.
Проблем претставуваат густиот чад и пепелта кои се шират во поширокото подрачје околу градот и ја попречуваат работата на противпожарните екипи, а топлите и суви ветрови придонесуваат за ширењето на пожарот.
Се вложуваат и напори за да се опособат виталните функции во Форт Мекмареј, за да се овозможи враќање на 80 илјади жители. Досега се обезбедени струја, фабриката за вода почна со процесот на преработка и оспособен е аеродромот.
Најголем проблем во моментов претставува квалитетот на воздухот, чија загаденост во градот е на 38 ниво, а дозволениот максимум е десет.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација