Во Јужна Африка започна гласањето за локалните избори

Над 26 милиони јужноафрикански избирачи денеска гласаат на локалните избори во Јужна Африка, кои се сметаат за тест за владејачката партија Африкански национален конгрес (АНЦ) на претседателот Џејкоб Зума. 

Гласањето започна во 7:00 часот по средноевропско време. 

Според анкетите, опозициската партија Демократска алијанса би можела да победи во големите градови во земјата, што би било прв пораз на АНЦ во нив по укинувањето на апартхејдот земјата во 1994 година. 

Со посебен интерес се следи гласањето во главниот град Преторија, економскиот мегаполис Јоханесбург и индустрискиот град Порт Елизабет на брегот на Индискиот Океан. 

Досега партијата на Зума беше на власт во 278 града во земјата.