Во Италија повторно расте бројот на починати од Ковид-19
Во последните 24 часа во Италија од Ковид-19 починале 534 луѓе, што е најмногу од петокот, соопшти Агенцијата за цивилна заштита.
Ова е значително зголемување на смртните случаи во однос вчера, кога беа пријавени 454 жртви.
Вкупниот број на жртви во Италија, каде епидемијата избувна на 21 февруари, се зголеми на 24.648.
Италија е на второ место во светот по број на жртви, по САД, и на третото место по број на заразени.
Италија, исто така, ја има втората највисока стапка на смртност во светот, 13,3 проценти, а само Белгија со стапка на смртност од 14,6 проценти е пред неа, покажуваат податоци на Универзитетот Џонс Хопкинс.
Според најновите податоци, во земјава досега се заразени 183.957 лица.
Но, по втор ден по ред, бројот на активни случаи се намалува – од 108.237 вчера на 107.709 денеска.
Опаѓа и бројот на лица на интензивна нега – 2.471 наспроти 2.537 колку што беа вчера.
И бројот на излекувани денеска е поголем и изнесува 51.600.
Ново на Сител
-
Меџити: Имаме забелешки за работата на Илире Даути, но не поддржуваме иницијативи од Левица
-
Даути: Изгласаната интерпелација според заклучокот значи мое разрешување или дејствување под диктат на Левица и ВМРО-ДПМНЕ
-
Силен земјотрес со јачина од 6,9 степени го погоди југозападниот дел на Јапонија
-
Поскапуваат бензините и дизелот
-
Германија пријави нелегални летови со дронови над воената база
-
За една година патувањето со авион во Грција поскапо за 47,7 отсто
-
Иниго Мартинез се повреди во финалето на Суперкупот
-
Три затворски, една условна и една ослободителна пресуда за уништувањето на опремата за прислушување