Во Италија е регистриран прв случај на зависност од вештачка интелигенција

Италијанската служба за помош на лица со зависност (SERD) го регистрираше првиот случај на зависност од вештачка интелигенција во државата. Пациентка е 20-годишна девојка, јавија италијански медиуми.

„Токсичното пријателство“ со текот на времето се претворило во зависност.
Случајот е регистриран во службата за лекување зависности на локалните здравствени власти во Венеција.

Девојката наводно била во постојана комуникација со систем за вештачка интелигенција што со текот на времето научил да ги препознава нејзините потреби и да генерира одговори прилагодени на нејзиното однесување.

Тоа предизвикало постепено стеснување на нејзиниот социјален круг и зголемување на изолацијата.

Во објавата се нагласува дека случајот е уникатен, бидејќи не станува збор за класична зависност од супстанции, туку за специфична дигитална активност и интеракција со вештачка интелигенција.

Во меѓувреме, платформата „Рафинад“, врз основа на истражување на пазарот за маркетинг на инфлуенсери, објави дека повеќе од 20 проценти од блогерите редовно користат алатки за вештачка интелигенција во својата работа.