Во Идризово откриен тунел за бегство на затвореници со високи казни
Тунел долг 60 метри во затворениот дел од затворот Идризово утрово бил откриен во координирана акција помеѓу безбедносните служби и затворската полиција, потврдуваат за Сител од Управата за извршување на санкции.
Неофицијално тунелот служел за бегство на неколку затвореници од затворот Идризово. Се копал 4 до 5 месеци и во него биле поставено потпорни греди и осветлување со помош на струен кабел.
Акцијата била спроведена по добиени претходни сознанија за ваквата активност на затворениците. Во моментов во затворот Идризово се прави увид на тунелот и како се успеало да се направи ваков голем зафат во рамките на затворот.
Директорот на затворот Шпенд Тахири не одговара на телефонските повици од новинарските екипи, но за него последните информации се дека треба да биде сменет од оваа позиција како дел од новата распределба по влезот на Алијансата во Владата.
Катерина Нешкова
Ново на Сител
-
Преглед на вестите од светот
-
ДИК ги објави првичните резултати за изборите за претседател и за парламентарните избори
-
Се вратија старите цени на полисите за осигурување
-
Тема на денот со Joван Деспотовски, СДСМ
-
ДИК ќе ги соопшти првичните официјални резултати од претседателските и парламентарните избори
-
Први реакции од Бугарија и Грција по победата на ВМРО-ДПМНЕ и Гордана Силјановска Давкова
-
Скромно одбележување на Денот на Европа во неискосениот владин двор
-
Избори 2024: Обработени 100% од гласовите