Во Грција за 24 часа регистрирани 57 шумски пожари
Во изминатите 24 часа, заклучно со вчера во 19 часот, во Грција имало 57 шумски пожари на различни локации, а интервенирале вупно 749 пожарникари со 264 возила, 18 пешадиски тима, авиони и хеликоптери, а помагале еден хеликоптер од војската како и цистерни и булдожери од општините, јави дописничката на МИА од Атина.
Од Противпожарната служба на Грција соопштуваат дека поголемиот број од пожарите биле брзо ставени под контрола, а сѐ уште е активен пожарот во близина на Коринт што избувна вчера напладне.
Пожарникарите во текот на ноќта се бореа со огнените јазици, а напорите, пожарот да се стави под контрола, продолжуваат и денеска.
Според грчката новинска агенција АНА-МПА, интервенираат 236 пожарникари со 54 возила, 15 пешадиски тимови, шест хеликоптери и четири авиони.
Во текот на вчерашниот ден, превентивно беа евакуирани најмалку шест населби, два детски кампови со околу 800 деца, а според грчките медиуми, пожарот нанел материјална штета на неколку домови.
Градоначалникот на Коринт, за грчката телевизија „Скај“ рече дека иако пожарот не е ставен под контрола, сепак не претставува опасност за населени места.
Ново на Сител
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје