Во Градско до 13 часот одѕивот 31,08 проценти, во Чашка 25,47

Во Општина Градско од вкупно  3.147 гласачи регистрирани во Единствениот избирачки список на 11-те избирачки места во општината до 13 часот гласале 31,08 проценти од гласачите, информира за МИА Мери Седмакова Димовска претседател на ОИК на Градско.

- Изборите се одвиваат во најдобар ред, а гласањето е во мирна и демократска атмосфера,изјави Седмакова Димовска.

Во Општина Чашка, како што информира за МИА Марјан Јовановски претседател на ОИК, од вкупно 6.017 гласачи запишани во Единствениот избирачки список до 13 часот на 30-те избирачки места гласале  1.547 гласачи или 25,47 проценти.

- Изборите се одвиваат мирно и без инциденти, рече Јовановски.