-->
-->
Во гостиварско за еден месец откриени 18 возила за јавен превоз без лиценца и три автобуси со повеќе патници од дозволеното
-->
Во рамки на едномесечните засилени контроли во гостиварскиот јавен превоз, вчера биле откриени уште седум возила главно комбиња, чии сопственици не поседувале лиценци за вршење на ваков превоз. Сопствениците на возилата се соочуваат со кривични пријави за „вршење на јавен превоз без поседување лиценца“.
Од СВР Тетово посочуваат дека во минатонеделните контроли биле откриени 11 возила за кои сопствениците немале соодветни лиценци. СВР Тетово поднесе кривични пријави против нив и тие се соочуваат со високи парични казни.
Од крајот на минатиот месец, полицијата ги засили контролните активности во јавниот превоз на патници, со кои се опфатени меѓуградскиот и локалните автобуси, комбиња и патнички такси возила.
– Во содејство со Отсекот за економски криминал, на сите им се изготвени соодветни кривични пријави според член 284 а од Кривичниот законик и ќе се соочат со предвидените парични и други санкции. Какви ќе бидат, тоа зависи од околностите под кои е сторено делото и крајните последици, вели потпаролот на СВР Тетово, Марјан Јосифоски.
Покрај ова, од средината на минатата недела се контролира и спроведувањето на владината одлука за 50-процентно користење на капацитетите во јавниот превоз. Три автобуски превозници што делуваат на гостиварското подрачје не ја почитувале оваа одлука. За нив се изготвени кривични пријави за „непостапување според здравствени прописи за време на епидемија“.
-->
-->
-->
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава