Во Гостивар започна да се мери загаденоста и квалитетот на воздухот
- Станица за мерење на параметрите на амбиенталниот воздух во Гостивар од вчера е ставена во функција. Опремата е поставена во дворот на Основното училиште „Гоце Делчев“. Со ова, мерната станица во Гостивар постана дел од Државниот автоматски мониторинг систем за квалитет на амбиентен воздух.
Од Министерството за животна средина и просторно планирање информираат дека овој тип на станици следат повеќе параметри.
- Од еколошките параметри се следат: SO2 (Сулфур диоксид), CO (Јаглерод моноксид), NOx (Азотни оксиди), PM10 (Суспендирани честички со големина до 10 микрометри), PM2.5 (Суспендирани честички со големина до 2.5 микрометри), О3 (Озон) и BTX (бензен, етилбензен, толуен, орто и пара ксилен). Од метеоролошките параметри се следат: брзина и правец на ветер, температура, притисок, влажност и глобална радијација, наведуваат од Министерството.
Со ставањето во функција, гостиварци и другите заинтересирани, податоците можат да се следат он-лајн на веб страниците на Министерството за животна средина и просторно планирање и општина Гостивар.
Од општина Гостивар посочуваат дека со профункционирањето на оваа станица, граѓаните ќе можат благовремено да се информираат за нивото на загадување на воздухот, а друга страна, согласно надлежностите и можностите да се преземаат конкретни чекори во справувањето со загадувањето на воздухот.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп