Во Гостивар утре ќе се прска против комарци
На подрачјето на општина Гостивар утре од полноќ па до раните утрински часови ќе започне првото прскање против комарци и други штетни инсекти.
Од гостиварската локална самоуправа информираат дека ова третирање ќе биде на повеќе локации како дел од првата фаза. Прскање од земја ќе има во градскиот парк лево и десно од реката Вардар, во близина на општата болница, по улицата „ЈНА“ до Здуњска раскрсница, коритото на реката Вардар во атарот на село Равен, каналот од Здуњска раскрсница - Шеста зона, Малеарди, ул. "Борис Кидрич", ул. Беличица до населба Фазанерија, селата Долна и Горна Бањица, по булевар "Браќа Гиноски", градскиот плоштад до излезот на градот кон село Чајле и река Јахорка во село Форино.
Од општината нагласуваат дека во случај на дождливо време или силен ветер, дезинсекцијата ќе се одложи за друг ден со поволни временски услови.
Локалните власти апелираат до одгледувачите на пчели да преземат соодветните мерки за заштита, да ја обезбедат потребна количина на вода за пчелите кои треба да бидат во нивните живеалишта минимум 5-6 часа по третманот на подрачјето.
Прскањето со средството „ауродил“ годинава ќе го спроведе ДПТУ Плант Медика.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“