Во Гевгелија се обновува хоризонталната патна сигнализација
Согласно програмата за изградба, реконструкција, рехабилитација, заштита и одржување на општинските патишта и улици, денеска во градот Гевгелија почна обновувањето на хоризонталната патна сигнализација, соопшти општинската служба за информирање.
- Акцијата ќе ја изведеме машински, а стартуваме од најфреквентните градски улици на кои хоризонталната сигнализација, особено пешачките премини и насоките за движење, од атмосферските влијанија и газење од пешаци и возила речиси не се познаваат, велат сообраќајните инспектори според кои обележувањето прво ќе се направи во централното градско подрачје.
Според планираното, обновувањето на хоризонталната патна сигнализација ќе се изврши на улиците „Булевар Гевгелија“, „Слободан Митров-Данко“, „Гевгелиски партизански одреди“, „Деко Ковачев“ „Железничка“ и „7 Ноември“ низ кои секојдневно се одвива интензивен сообраќај.
Сообраќајните инспектори посочија дека потоа акцијата за хоризонтално обележување ќе продолжи и на другите улици во градот Гевгелија и населените места во општината.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден