Во ЕУ се намалува стапката на посети на пиратски содржини на интернет
Податоците на Бирото за интелектуална сопственост на Европска Унија покажуваат дека веб корисниците во ЕУ сѐ помалку посетуваат пиратски содржини на интернет.
Извештајот се однесува на периодот од јануари 2017 до септември 2018 година и забележува дека пристапот до пиратски содржини паднал за 15,1 отсто во целата Унија. Најголем пад бележи музиката со 32 отсто, филмовите со 19 отсто и телевизиските емисии со осум отсто.
Но, разликите меѓу земјите во ЕУ остануваат значајни. Па така, во Летонија и Литванија веб корисник во просек користи пиратски содржини 26 пати месечно, додека таа бројка паѓа на помалку од четирипати месечно во Финска.
Истражувањето е спроведено врз 70 милијарди интернет конекции ширум ЕУ.
– И покрај падот на пиратска консумација, има уште многу работи за справување со овој проблем, алармираат експертите од Бирото за интелектуална сопственост и додаваат дека индустриите во кои интелектуална сопственост игра важна улога, како телевизијата, филмот и музиката, претставуваат единаесет милиони работни места во ЕУ. Изгубените приходи од пиратските содржини се директна закана за сите овие индустрии, предупреди извршниот директор на Бирото, Кристијан Аршамбо.
Дополнителна студија објавена вчера открива дека 13,7 милиони граѓани во ЕУ користат илегални „стримови“ во износ од 941,7 милиони евра годишно.
Ново на Сител
-
Татко ја пријавил за исчезната малолетната ќерка, таа се јавила од Косово
-
Криминалци со пиштоли влегле во фирма за брзи кредити и украле 5000 евра
-
Мицкоски иницира изготвување стратегија за државата во соработка со МАНУ, ја повика опозицијата заеднички да носат одлуки
-
Утре во Брисел нова рунда од дијалогот Белград-Приштина
-
Димитриеска-Кочоска: Растот на економијата следната година над 3,5 отсто, се темели на инвестиции
-
Мицкоски по повод 23 Октомври: Да не го губиме времето на поделби, туку да создадеме општество на можности и почит
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица