Во двојниот напад во Багдад најмалку 125 загинати (ДПЛ)

Најмалку 125 лица погинале во двете експлозии што денеска беа регистрирани во Багдад, пренесе Би-Би-Си.

Американските медиуми наведуваат дека Исламска држава, преку онлајн соопштение, ја презеде одговорноста за првата експлозија во населбата карада, во која се убиени 86 лица, меѓу кои има и 15 деца, а била предизвикана со детонирање на автомобил-бомба.

„Раша тудеј“ наведе дека станува збор за побогат дел од градот каде живее главно висока средна класа шиити и христијани.

Втората експлозија одекна во населбата Шаб, на север од Багдад.

Двете експлозии се случија во трговски области, а во многу продавници избувнал пожар.