Во Домот на АРМ одбележан 7 Март, Денот на учителот

Министерот за образование и наука Пиштар Лутфиу денеска присуствуваше на прославата на 7 Март, Денот на учителот, што се одржа во Домот на АРМ во организација на СМУГС „Д-р Панче Караѓозов“ и СУГС „Марија Кири Склодовска“. 

МОН соопшти дека Лутфиу им го честитал празникот на наставниците и им изразил благодарност за нивниот труд и напор. 

Нашиот денешен предизвик, посочил министерот, е гаранција на квалитет во образованието, како една неопходност во рамки на интеграцијата и достигнување на европските стандарди.

- Нашето инвестирање во образованието ќе продолжи на сите нивоа, бидејќи инвестирањето во образованието претставува инвестиција за нашата иднина како држава и општество, истакнал Лутфиу и ја нагласил пожртвуваноста и вложениот напор на наставниците во нивната благородна и достоинствена професија.