Во ДИК се пријавиле 1.224 граѓани со спорни записи

До 13:00 часот, денеска до Државната изборна комисија се пријавиле вкупно 1.224 граѓани чиишто записи во Избирачкиот список по извршените вкрстени и теренски проверки се спорни, односно има несовпаѓање на податоците во Избирачкиот список.

Како што соопшти ДИК, од нив 387 се пријавиле во подрачните одделенија и канцеларии и дополнителните канцеларии на ДИК, додека 837 за пријавување ја искористиле веб апликацијата на интернет страницата на Државната изборна комисија.

Според објавената табела, најголем дел од пријавите се од жители од општина Чаир  - 255, следат општина Аеродром - 90, општина Центар - 83, општина Тетово - 78 и 64 пријави од граѓани од општина Гостивар.