Во Дебар три новозаразени и едно починато лице од Ковид-19
Три новозаразени и едно починато лице е билансот од состојбата со Ковид-19 во последното деноноќие во Дебар, со што бројот на заразени само во изминатите денови од овој месец е 24, а на починати две лица.
Од почетокот на пандемијата, на 26 февруари, кога беа дијагностицирани сопружници од селото Баланци, општина Центар Жупа, по нивното враќање од Италија, направени се над илјада тестови при што позитивен резултат е добиен кај 216 од нив, околу 90 отсто од Дебар.
Од вкупниот број 51 случај се во првата фаза од болеста, додека останатите 157 се во втората фаза, поточно од петти јуни, кога по точно педесет дена болеста се врати во ова подрачје, кога беше дијагностицира кај жена од село Долно Косоврасти.
Битката со невидливиот непријател ја добиле 83, ја згубиле осум, по четворица во двете фази, додека активни на болеста се 127. Поголемиот процент од нив се лекуваат амбулантски или во домашни услови, додека десеттина се хоспитализирани во здравствени установи во Скопје.
-И понатаму апелираме строго да се почитуваат препораките за заштита, како од граѓаните, така и од деловните субјекти. Ова е нашата и светска нова реалност која бара од нас да ја користиме заштитната маска, да одржуваме физичка дистанца и примена на правилата за хигиена, порачуваат од општинскиот Оперативен штаб.
Врз основа на одлуката на Штабот, дебарските комуналци и пожарникари, двапати неделно вршат дезинфекција на главната и пофреквентните улици, како и на јавните површини во градот. Редовно секоја ноќ, комуналците ги мијат пофреквентните улици во градот.
Ново на Сител
-
Течат роковите за приговори до ДИК, партиите продолжуваат со изборните активности
-
ЦУК: 1.694 повици на 112 во последното деноноќие
-
Состојба на патиштата
-
САД денеска ќе објават нов пакет помош во оружје за Украина вреден шест милијарди долари
-
Додик подготвен да се поклони пред бошњачките жртви во Сребреница, но не признава геноцид
-
Зеленски повика на инвестиции во украинската одбранбена индустрија
-
Утрото постудено, преку денот сончево со умерена облачност
-
Пентагон соопшти дека почнала изградбата на привремено пристаниште во Појасот Газа