Во Црна Гора свечено подигнато знамето на НАТО

На повеќе места во Црна Гора утрово свечено е подигнато знамето на НАТО, кое во иднина постојано ќе стои пред црногорските институции.

Знамето на НАТО е развиорено пред Министерството за одбрана и во касарните на војската на Црна Гора во Даниловград, Никшиќ, Колашин, Бар, Пљевља и Маслина, како и во воздухопловната база Голубовци.

Црна Гора минатата недела, со предавањето на пристапните документи на свеченост во Вашингтон, стана полноправна членка на Алијансата.

Процесот за членство на Црна Гора во НАТО траеше 11 години. Официјалната покана за пристапување е упатена на 2 декември 2015 година.