Во Црна Гора потпишан договор за изградба на Трансбалканскиот коридор
Договорот за изградба на Трансбалкански електроенергетски коридор преку Црна Гора вреден 25 милиони евра, кој го финансира Европската унија, а го имплементира Германската развојна банка (KfW) е потпишан вчера во Ластва Грбаљска.
Договорот го потпишаа министерот за економија на Црна Гора Владимир Кавариќ, членот на Управниот одбор на KfW за Европа и Азија, Роланд Силер и извршниот директор на Црногорскиот електропреносен систем Иван Булатовиќ.
- Проектот подразбира јакнење на црногорската инфраструктура поврзана со подморски кабли и изградба на далноводи во Црна Гора и Србија. Вкупната вредност на проектот е 127 милиони евра. Црногорски електропренос со помош на Владата на Црна Гора обезбеди кредитни средства од страна на ЕБРД и KfW, а договорот, кој го потпишуваме претставува кофинансирање на тие кредитни средства од донации во износ од 25 милиони евра, нагласи Кавариќ.
Министерот за економија потсети дека проектот има огромно значење за енергетиката и целокупната економија на Црна Гора.
Ново на Сител
-
Teма на денот со Наќе Чулев, поранешен министер за внатрешни и поранешен директор на АР
-
Филипче: Разбирам зошто граѓаните се загрижени, но ЕУ процесот мора да продолжи
-
Студентите бараат зголемување на износот за субвенциониран оброк
-
Екс директорот на АНБ негира незаконско следење на комуникации, Мицкоски вели - сите ќе одговараат
-
Се води истрага кој го подметнал пожарот на Вардариште, надлежните си ја префрлаат одговорноста
-
Почна селекцијата за судија во Стразбур
-
Две години затвор за Љамалари за нападот врз градоначалничката Арсовска
-
На Татјана Димитровска ќе ѝ се суди во одделна постапка од „Адитив“