Во целосен прекин железничкиот сообраќај Русија-Кина

За да се спречи можното ширење на заразата со коронавирус во Русија, руските железници го прекинаа патничкиот сообраќај од Кина од полноќ, вклучувајќи ја и линијата Пекинг – Москва, што беше отворена досега.

„Возот што сообраќа од Москва до Пекинг, што тргна од Москва на 1 февруари, ќе го заврши своето патување во Забаикалск“, соопштија руските железници.

Авионскиот сообраќај меѓу Русија и Кина исто така е суспендиран од 1 февруари, со летови само меѓу Москва-Пекинг, Москва-Шангај, Москва-Гуангжу и Москва-Хонг Конг.