За 20% поголем интерес за студирање на УГД во споредба со лани

За 20% зголемен интерсот во првиот уписен рок на идните студенти за студирање на штипскиот Универзитет „Гоце Делечев“, споредено со лани. Проректорот за настава Мишко Џидров вели дека се задоволни од пројавенииот интерес и дека тоа е доказ за квалитетот на образованието што го нуди УГД.

- Моментално во системот имаме над 1000 пријавени кандидати, така што ова го сметаме за еден успех на Универзитетот, затоа што покажавме дека има квалитет што се нуди во образованието. Нашето приклучување кон оние европски текови и инклузијата во Алијансата како клучен дел во е-работењето на универзитетите во Европа, а го препознаа нашите идни студенти и верувам дека така ќе биде и во наредните уписни рокови, изјави Мишко Џидров, проректор за настава, УГД - Штип

И оваа академска година најголем интерес има за изучување на медицинските науки, за студиските програми по општа и дентална медицина. Во следните два уписни рокови се очекува упис на странските студенти, кои треба да поминат низ одредени административни процедури.

- Странските студенти имаат процес на нострификација кои што треба го поминат во нашето Министерство за образование, потоа ќе ги достават документите кај нас и ќе ја знаеме реалната бројка. Но, во однос на она колку пишуваат, колку се јавуваат, прашуваат, има зголемен интерес., така што ги очекуваме во втортио или крајот на третиот уписен рок, додаде Џидров

На 12 факултети и 3 академии има уште околу 1000 слободни места за идните студенти. Вториот уписен рок е на 4-ти и 5-ти, а третиот на 17-ти и 18-ти септември.