Во Битола научна конференција за современите менаџерски предизвици
БАС Институт за менаџмент-Битола, со поддршка на Министерството за образование и наука, сектор за високо образование и општина Битола, утре и в сабота ќе биде домаќин и организатор на 5. Меѓународна научна конференција „Современите менаџерски предизвици и организациските науки“.
Фокус на конференцијата се иновациите и организацискиот развој за што веќе се регистрирани 67 научни трудови, посочи проф. д-р Цветко Смилевски, претседател на програмскиот одбор.
-Продолжуваме со традицијата на БАС, во повеќе димензии да се поврзува креирањето и примената на знаењето во областа на менаџментот. Изборот на фокусот на оваа конференција не е случаен, и е континуитет на макро проектот ВИКО, односно влијанието на иновациите врз конкурентноста на организациите, и покрај емпирискиот дел на истражувањата, сакавме пошироко да согледаме што се случува со иновациите во овој дел на Европа, и тие две димензии ќе бидат составен дел на извештајот што ќе биде доставен до сите научни и практични носители на активности за конкурентноста на организациите како клучен фактор за благосостојбата на државата, но и за организациите и нивната одржливост на подолг временски период, истакна Смилевски.
За време на дводневната научна конференција ќе се одржат и предконференциски активности, обучувачки работилници за „Тимски дизајн и посакувана иднина“ и „Иновации, креативност и бизнис во управувањето со опасниот отпад во сенка на еколошкиот печат“, најави проф. д-р Тони Соклевски, директор на БАС Институт за менаџмент-Битола, а во рамки на академскиот настан ќе бидат промовирани и книгите „Маркетинг“ од авторите д-р Маја Кочовска и д-р Дијана Ивановска-Пржо и Водич за стратегиско планирање од авторот проф д-р Лидија Стефановска, воедно претседател на организацискиот одбор на 5. Меѓународна научна конференција посветена на современите менаџерски предизвици и организациските науки.
Ново на Сител
-
Во домот на напаѓачот во Грац пронајдено проштално писмо
-
Илјадници протестираа во Њујорк против имиграциската политика на Трамп
-
Турската полиција уапсила над 270 криумчари и над 1.000 илегални мигранти во последниве две недели
-
Радев за Си-Ен-Ен: Референдум за еврото е клучен за довербата во институциите
-
Тошковски: Борбата со недозволената трговија со дрога е и ќе остане еден од стратешките приоритети на МВР
-
Герасимовски: Зелениот регистар е гаранција за зачувување на урбаното зеленило
-
Возел со 2,61 промили алкохол во крвта - приведен возач од струшко
-
Ученик во основно училиште спроведен во полиција во Белград откако донел список за отстрел и нож