Во автобуска несреќа во источна Турција загинаа 17 мигранти, 50 се повредени
Седумнаесет лица загинаа, а 50 се повредени откако автобус во кој се превезуле мигранти се преврте во турската источна провинција Ван, соопшти гувернерот на провинцијата Мехмет Емин Билмез, цитиран од државната агенција Анадолија.
Агенцијата ДПА пренесува дека минибусот со мигрантите се спуштал по рид и влетал во река во близина на населбата Ерчек, во областа Ипекиолу, на околу 60 километри од границата со Иран.
Гувернерот Билмез изјави дека турскиот возач, исто така, починал, додека националностите на останатите патници не е позната.
Тој додаде дека повредените биле пренеси во неколку болници во градот Ван
-Седуммина од повредените се наоѓаат на интензивна нега. Со божја волја, бројот на жртвите не очекуваме да расте, додаде Билмаз
Државната телевизија ТРТ сподели видео снимка од луѓе кои се расфрлани околу бел минибус и спасувачи како носат ранети и мртви тела.
Градот Ван се наоѓа на рутата на мигрантите од Авганистан, Пакистан и Бангладеш, на нивниот пат кон Европа, наведе ДПА
Ново на Сител
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа