Во Австралија прв пат над илјада заразени дневно со коронавирус

Австралија денеска регистрираше повеќе од 1.000 луѓе заразени со коронавирус, првпат од почетокот на епидемијата и тоа поради ширењето на делта сојот.

Повеќе од 15.000 луѓе се заразени во Сиднеј од средината на јуни, а инфекцијата се прошири во помалите градови, поради што мерките против коронавирусот се повторно воведени.

Во Мелбурн, кој се наоѓа во државата Викторија, денеска се регистрирани 80 заразени лица.

Околу 25 милиони жители на Австралија моментно се наоѓаат во карантин, а граѓаните на Сиднеј не ги напуштаат своите домови повеќе од два месеца.