Во Анкара во тек е голема операција против „Исламска држава“
Во Анкара во тек е голема операција против „Исламска држава“, откако американската Амбасада соопшти дека денеска ќе биде затворена поради безбедносни причини.
Електронското издание на весникот „Хуриет“ прецизира дека се издадени налози за апсење на 20 лица, а досега се приведени 12 осомничени.
Турците медиуми ги објавија овие информации повикувајќи се на главното обвинителство во Анкара, додавајќи дека операцијата ја спроведува одделот за борба против тероризмот.
Амбасадата на САД во Анкара синоќа соопшти дека денеска ќе биде затворенa поради безбедносни причини, и оти ќе работи само за итни случаи, додека интервјуата за издавање визи и други рутински услуги се откажани. Амбасадата дополнително ќе објави кога повторно ќе почне со работа.
По соопштението на Амбасадата, локалните власти на Анкара соопштија дека во целиот град се зајакнати безбедносните мерки за да се спречат евентуални терористички напади. Турските медиуми јавија дека градски власти добиле сигнал од Американската амбасада во Анкара за можни терористички напади врз службеници на Амбасадата или Американци кои живеат во главниот град на Турција.
Курдската работничка партија и „Исламска држава“ во 2015 и 2016 година извршија неколку терористички напади во Анкара, во кои загинаа многу војници, и многумина беа повредени. Турските медиуми потсетуваат дека минатата година во Анкара немало такви инциденти.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата