Во Албанија евидентирани 12 новозаразени со Ковид-19

Според денешните објавените податоци од Министертвото за здравство и социјална заштита, кај 12 лица е потврдено присуството на Ковид-19, со што вкупната бројка на заразени во Албанија се зголеми на 832 луѓе.

– Информираме дека во последните 24 часа тестирани се 255 сомнителни случаи при што кај 12 од нив има позитивен резултат, со што вкупната бројка изнесува 832 лица. Од нив 595 се излекувани додека се уште активни се 206, главно со лесна форма на болеста и се лекуваат во домашни услови, изјави албанската заменичка министерка за здравство и социјална заштита Мира Ракоцели,.

Од активните случаи најголем број се од Тирана – 98, потоа од Круја – 69 и во Скадар 16 инфицирани лица.

Додаде дека во изминатиот период починале 31 лица, од нив 18 се од Тирана, Драч шест, Фиер тројца, Скадар двајца и Кукс и Валона по еден починат од последици на новиот коронавирус, но имале и други болести.

Ракоцели информираше дека во Инфективната клиника и во болницата „Шефќет Ндроќи“ моментно се наоѓаат 36 пациенти, од кои осуммина се на интензивна терапија.