Во Албанија 1001 новозаразен со Ковид-19

По повеќе месеци, во Албанија во последното деноноќие се регистрирани над илјада нови случаи на зараза со коронавирусот, соопштија здравствените власти.

„Од направениот 2221 тест, позитивен бил 1.001, што е над 45 отсто од тестираните. Во списокот на оздравени се внесени 687, а починале двајца пациенти на 63 и 76-годишна возраст“, пишува во соопштението од Министерството за здравство и социјална заштита.

Во земјата во моментов има 5.644 заразени, а во болница е 31 пациент.

Бројот на нови случаи почна да расте на почетокот на месецов, од кога во просек дневно имаше по околу 700 новозаразени.

Во земјата веќе се дава четвртата доза на вакцината против ковид, но според надлежните, речиси воопшто нема интерес за имунизација.