Вo 13:30 протестен марш од „Скендербег“ до Канцеларијата на ЕУ за смртта на Реџаил Ќерими

Денеска во 13.30 часот се очекува да започне протестен марш заради смртта на Реџаил Ќерими, кој беше осуден на доживотна затворска казна за случајот „Алфа“ во кој беше убиен полицаецот Африм Арифи, а двајца негови колеги беа ранети.

Протестниот марш го најавил Јетула Ќерими, брат на Реџаил Ќерими.

„Ве известуваме дека на 4 февруари во 13.30 часот ќе се собереме на плоштадот „Скендербег“ каде ќе го започнеме маршот во чест на Реџаил Ќерими и од Канцеларијата на ЕУ ќе побараме меѓународна истрага за сомнителната смрт, но и истрага за сите други политички монтирани случаи", напиша Ќерими на социјалните мрежи.