ВМРО-ДПМНЕ: Земјоделците се препуштени сами на себе и без поддршка од Владата

ВМРО-ДПМНЕ денеска соопшти дека земјоделците кои се занимаваат со производство на лубеници и праски се на раб на егзистенција. 

- На терен се случува вистински крах на откупот, а министерот за земјоделство, шумарство и водостопанство Николовски им порача дека сами од себе ќе се решеле проблемите со откупот. Ваквата изјава преставува навреда и сол на раните на земјоделците. Ова значи дека земјоделците се препуштени сами на себе и се без поддршка од Владата, се вели во соопштението од Центарот за комуникации на ВМРО-ДПМНЕ. 

Ваквиот индолентен однос, како што се наведува, нема да ги реши проблемите и е потребен поголем активизам од Владата и министерството и нудење на конкретна поддршка на земјоделците. 

- Досега ниту една мерка која ја предложи Николоски не се спроведе и не беше конкретен одговор на потребите на земјоделците. Земјоделците полека но сигурно наместо партнер, добиваат противник во Владата, стои во соопштението од ВМРО-ДПМНЕ.