ВМРО-ДПМНЕ: во интерес на процесот не се откриваат детали за преговорите

Тече процесот на преговори со политичките партии за состав на нова Влада, но во интерес на постапката не се откриваат детали, велат од ВМРО-ДПМНЕ. 

Партискиот портпарол вели партијата континуирано одржувала комуникација со останатите политичките партии.

-Како што веќе знаете, изминатиот период претседателот на партијата Христијан Мицкоски имаше средба со Лидерот на ДУИ, Али Ахмети која се одржа во Собранието а за која ја информиравме јавноста. Во интерес на процесот, во овој момент не може да се откријат детали од текот на преговорите, изјави Димче Арсовски, Портпарол на ВМРО-ДПМНЕ.

Тој повторно побара одговори од СДСМ да открие со кого партијата формирала мнозинство, и ја нарече пишман партија бидејќи по вчерашната средба на генералниот секретар Николовски со Артан Груби од ДУИ, доцна вечерта партија информирала дека нема постигнато договор за формирање парламентарно мнозинство.

Зоран Јаневски