ВМРО-ДПМНЕ: Пописот е политички што се гледа и во правото на вето доколку резултатите не испаднат како што се договорени
СДСМ и криминалецот Зоран Заев ќе бидат единствените виновници доколку таканаречениот попис пропадне.
Власта истурка на сила закон за попис кој е полн со нелогичности, со застарена методологија која не е по препораките на Еуростат.
Изгласаа закон за попис кој ќе биде со врзан потпис, од страна на директорот кој е од СДСМ и заменик директорот на државниот завод за статистика кој е од ДУИ, и со тоа јасно се гледа дека ова ќе биде политичка, а не статистичка операција.
Деновиве се погласно се зборува дека веќе меѓувладините коалициони партнери однапред ги договориле резулатите од оваа политичка операција. Токму затоа вакавата операција ВМРО-ДПМНЕ нема да ја прифати.
ВМРО-ДПМНЕ преку пратениците во Собранието се обиде да учествува во носењето на овој закон за попис, преку амандмани на овој закон, но власта како и многу пати до сега, тотално ја игнорираше опозицијата кога се работи за крупни прашања ки се во интерес на сите граѓани.
Повторно го повикуваме претседателот Пендаровски да се одважи и да не биде барем еднаш пиун на криминалецот Заев и да не го потпише овој штетен закон за попис.
Доколку Пендаровски го потпише овој закон, ВМРО-ДПМНЕ ќе ги собере потребните потписи на пратеници, но и ќе побараме и широка народна поддршка преку собирање на потписи на граѓаните. Доколку оваа ненародна власт реши да ја игнорира волјата на народот и продолжи насилието, нам како опозиција ќе ни даде легитимитет да не ги признаеме резулатите од оваа политичка, а не статистичка операција.
Зоран Заев не успеа да направи консензус за ниедно важно прашање во општеството, ниту за договорот или пак за Анексот со Бугарија, ниту за здравствените состојби и нивното надминување, ниту сега за пописот! И за тоа Зоран Заев заедно со своите послушници ќе сносат одговорност!
Центар за комуникации на ВМРО-ДПМНЕ
Ново на Сител
-
Шврговски: Казната за Мијалков е драконска, ќе се жалиме и за пресудата и за притворот
-
Владини делегации положија цвеќе на гробот на претседателот Борис Трајковски
-
Ристовска: Задоволни сме од пресудите, притворот за Мијалков е неопходен поради опасност од бегство
-
Србија и Бугарија ќе имаат оперативна гасна интерконекција до мај 2022 година
-
Јанша ја повика ЕК да ја утврди вистинската состојба во Словенија
-
Кумановец веќе единаесет дена е исчезнат
-
Изменет сообраќаен режим на повеќе автобуски линии во Скопје
-
Мисајловски: 80.000 потписи за една недела, да ставиме крај на политичкиот попис