ВМРО-ДПМНЕ: Почит за припадниците на безбедносните сили од акцијата во „Диво Насеље“
Денеска навршуваат 4 години од терористичкиот напад на кумановско „Диво Насеље“, кога со брза и навремена акција, македонските херои ги одбранија мирот, безбедноста и територијалниот интегритет и суверенитет.
Во борбата против терористичката група, во одбрана на Република Македонија и нејзините граѓани животите ги загубија:
– Жарко Кузмановски (роден 1981), од с. Брвеница, Тетово
– Ненад Серафимовски (роден 1987), од с. Зубовце, Гостивар
– Сашо Самојловски (роден 1982), од с. Брвеница, Тетово
– Бобан Ивановиќ (роден 1968), од с. Стајковци, Скопје
– Горан Илијевски (роден 1974), од Гостивар
– Исамедин Османи (роден 1983), од с. Студеничани, Скопје
– Љубиша Аранѓеловиќ (роден 1966), од Скопје
– Горан Стојменовиќ (роден 1970), од Миладиновци, Скопје
Вечна им слава! Тие ќе останат запишани со златни букви во историјата, бидејќи со своја лична жртва покажаа дека Македонија и нејзините граѓани биле и ќе останат над се.
Нема да бидат заборавени ниту нивните семејства кои за Македонија ги загубија своите најблиски.
Посебна почит заслужуваат и останатите припадници на безбедносните сили кои покажаа невидена храброст, пожртвуваност и професионализам бранејќи ја Македонија на 7 и 8 мај во Куманово.
Центар за комуникации на ВМРО-ДПМНЕ
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден