ВМРО-ДПМНЕ на протест, бараат оставки од Заев и Филипче бидејќи сè уште нема вакцини
Со скандирање „Оставка” и „Убијци” опозициската ВМРО-ДПМНЕ денеска повторно излезе на протест пред Министерството за здравство и побара одговорност од надлежните поради лошото справување со здравствената криза. Бараат оставки од премиерот Заев и министерот за здравство Филипче бидејќи сè уште нема вакцини за граѓаните, а земјава е рангирана меѓу тие со најголема смртност од Ковид-19.
Опозицијата смета дека е неодговорно однесувањето на власта што во време на пандемија се организира попис, функционери шетаат на одмор на атрактивни дестинации, а од друга страна нема вакцини ниту за сите здравствени работници. Па, граѓаните се оставени сами да се снаоѓаат за вакцинирање во соседните држави.
На протестот оддадоа и почит со едноминутно молчење за сите загубени животи како последица на Ковид-19. Доколку тие биле на власт, велат, бројот на починати би бил многу помал и тврдат дека веќе би имало најмалку 200.000 вакцини во земјава.
Ова е втор протест на опозицијата пред Министерството за здравство и како што најавија, ќе бидат на истото место и наредните викенди, сè додека одговорните не поднесат оставка.
Мирјана Јовеска
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата