ВМРО-ДПМНЕ: Избори мора да има за да се стави крај на црнилата

Македонската држава е урнисана. Oпштеството е поделено како никогаш досега, а македонските граѓани се понижени. Здравството е руинирано, а директна жртва се граѓаните кои неретко цената за неспособноста на власта ја плаќаат и со своите животи. Аерозагадувањето руши рекорди, проблем за кој СДСМ во предизборието вети експресно решение. Образовниот систем е оставен на милост и немилост и нема ниту еден универзитет на Шангајската листа.
Државата ни тоне во корупција, криминалните тендери и грантови станаа валута за исплата на партиските послушници на СДСМ, Македонија е една од најкорумпираните држави во Европа според листата на Транспаренси интернешнл.
Економијата е пред колапс, реализацијата капиталните инвестиции минатата година изнесуваше катастрофални 65 проценти, а растот на економијата мизерни 2 проценти, далеку од ветените 5. Власта секојдневно ги задолжува граѓаните, а ММФ посочува дека јавниот долг ја надминал границата од 50 проценти. Државата е на раб на должничко ропство.
Правната држава е укината, Рускоска обвинителството и Кацарска судството служи за политички прогон на неистомислениците на Заев, но и амнестија за криминалите на власта.
Одговорност за сево ова има криминалната и одродена власт на чело со аболицираниот Зоран Заев. Најголема одговорност за црнилата во Македонија има еден човек, Зоран Заев. Црнилата се во лагите и манипулациите, во сите неостварени ветувања на власта, промената на името, идентитетот, јазикот и историјата. Црнилата се во неуставниот Закон за двојазичност.
На граѓаните им е доста од црнилата на СДСМ, на граѓаните им е доста од транзиционите политичари како аболицираниот Заев. Избори мора да има, избори мора да има веднаш за да се стави крај на црнилата и да дојде зората!
Ново на Сител
-

Заврши билатералната средба Трамп – Путин во Шенџен
-

Променливо облачно со повремен дожд
-

Запален автомобил во подземниот паркинг на К-мол во Ѓорче Петров
-

Заловени 96 говеда во Крива Паланка, АХВ се соочува со опструкции од поранешните сопственици
-

Македонските фудбалерки против Андора стартуваат во Лигата на нации
-

Руската вакцина против рак со охрабрувачки резултати кај првиот пациент, следуваат уште 120 пациенти до 2027 година
-

Вработен во ДЗС осомничен за примање поткуп од 32.000 денари, Обвинителството бара притвор
-

Вучиќ: Не можат да ме победат со аргументи, ќе се обидат да ме убијат, уапсат или лустрираат
