ВМРО-ДПМНЕ формира солидарен фонд за помош на поплавените семејства

Извршниот комитет на ВМРО-ДПМНЕ на синоќешната седница одлучи да се формира партиски солидарен фонд за помош на семејствата чии домови беа оштетени во елементарната непогода.

Сите избрани и именувани функционери на партијата на државно и на локално ниво наредниот период ќе донираат еднократна помош од по 30 проценти од платите и надоместоците во солидарниот фонд, а по завршување на акцијата средствата ќе бидат префрлени за помош на оштетените сограѓани, соопшти ВМРО-ДПМНЕ.

Освен финансиската помош, договорено е да продолжат организираните активности на терен преку собирање донации на храна, вода, средства за хигиена и останата помош која им е најнеопходна на погодените.

Продолжуваат и активностите за директно вклучување на партиски членови и активисти во најпогодените региони за расчистување и санирање на штетите од невремето, стои во соопштението.