ВМРО-ДПМНЕ: Ефектите од политиките на власта се најнизок раст на економијата и зголемен долг

Каков ефект имаат економските политики на власта на СДСМ и ДУИ покажуваат состојбите во економијата во Македонија.

Македонија има најмал економски раст во споредба со земјите од регионот.

Растот на платите е помал од инфлацијата, што од почетокот на годината беше околу 7%.

Во исто време има пад на вработените во индустријата, а енормно зголемување на бројот на вработени во јавниот сектор, односно на товар на буџетот се ставаат се поголем број партиски вработувања.

Македонија е на дното во регионот според странските инвестиции, а останатите земји имаат по два до 5 пати повеќе странски инвестиции од нас по глава на жител.

Основните продукти и горивата пораснаа за кратко време од 30 до 70%, што е директен удар на стандардот на граѓаните.

Долгот на Македонија порасна над 60% од БДП и ја надмина психолошката граница од 7 милијарди евра. Дополнително овој долг ќе порасне за најмалку 600 милиони евра до крајот на годината, а од таквото задолжување нема ефект, бидејќи не се градат ниту патишта, ниту болници, ниту училишта ниту било какви други капитални проекти.

Впрочем за погубните економски политики кои се прават говори и фактот што лани се затворени 7000 компании во Македонија.

Ете ова е резултатот на лошите или задоцнети мерки кои ги прави власта на СДСМ и ДУИ. Народот осиромашува, додека власта троши милиони за мебел, цвеќиња, кафиња, златен прибор и хотелски услуги.

Центар за комуникации на ВМРО-ДПМНЕ