Шокантно видео се појави на интернет, а снимката наводно е направена во итната служба во Централната болница во Зелендољск во руската република Татарстан. Мажот познат како Владимир , облечен само во долна облека, е снимен како се обидува да излезе од болница за да запали цигара надвор.
На снимката човек со раскрвавен грб, од кој излегува ножот, шета по ходникот од болницата. На прашање од медицинскиот персонал, каде оди, тој мирно одговара: „Да пушам“.
„На пациентот му е пружена сета потребна дијагностичка и тераписка помош, вклучувајќи и операција. Во овој момент, неговата состојба се оценува како стабилна“, пишуваат тамошните медиуми, повикувајќи се на прес службата на Министерството за здравство на Република Татарстан.
Засега не е познато како ножот завршил во неговиот грб.
