Владејачката коалиција победи на изборите во Австралија

Австраликсиот премиер Малколм Турнбул денеска соопшти дека владејачката конзервативна  коалиција составена од неговата Либерална партија и Националната партија освоила мнозинство во Парламентот на изборите одржани на 2 јули.

Иако пребројувањто на гласовите се уште не е завршено Либерално-националната коалиција веќе освоила 76 места во 150-члениот Долен дом на австралискиот Парламент, со што има апсолутно мнозинство. 

Победата на владејачката коалиција ја призна и лидерот на опозициската Лабуристичка партија, Бил Шорт, кој соопшти дека блокот на либералите и националистите освоил 76 мандати, додека лабуристите во новиот парламентарен состав најверојатно ќе имаат 69 пратеници.

Од преостанатите пет места, две освоија независни кандидати, а по еден мандат им припадна на три помали партии.

Шорт рече дека во вакви услови Тарнбол не ќе може да смета на стабилно мнозинство, па затоа не е исклучено Австралија веќе следната година да оди на предвремени избори.