Владата во Берлин запре со испорака на оружје за Турција
Германската влада блокирала 11 испораки на оружје за Турција, којашто е активно инволвирана во судир во Курдската работничка партија (ПКК) и Исламската држава во Ирак и Сирија, јавуваат германските медиуми, според кои блокадата на оружјето се должи на вжештените односи меѓу Берлин и Анкара.
Блокадата на пратките на оружје за турската армија, која е главен партнер на НАТО во битката со исламскиот тероризам на блискиот исток започнала во јануари, се вели во документ на Министерството за економија објавен од германската новинска агенција ДПА.
Како што јавува дописникот на МИА од Берлин, официјално причината за блокадата на пратките со оружје кои содржат рачно вооружување, муниција и суровини за производство на муниција е загриженоста за спроведување на човековите права во Турција, се вели во одговорот на министерството за економија на прашањето од пратеникот на „Левицата“ во Бундестагот Јан Ван Акен.
Според министерсвото одлуката за блокада на пратките на оружје во Турција е спроведена поради страв дека тоа би можело да се користи „во контекст на внатрешна репресија или во курдскиот конфликт“. Турција повеќе од 4 децении е во конфликт со ПКК која што е прогласена за терористичка група во Германија, ЕУ, НАТО и САД.
Според Акен, блокадата на оружје за земја партнер во рамки на НАТО иако е преседан е добредојдена а тој во име на неговата партија во изјава за весникот „Зуд дојче цајт“ се залага за целосна забрана на испорака на германско оружје на Анкара.
По конфликтот меѓу Турција и неколку членки на НАТО поради забраната турските министри да одржат митинзи во врска со референдумот за поголеми уставни овластувања за претседателот Ердоган, Турција суспендираше неколку заеднички операции во кои е инволирана Австрија како членка на групата „Партнерство за мир“ а однесувањето на Германија и Холандија го спореди со политиките на нацистичките власти од времето на Хитлер.
Поради сериозноста на конфликтот меѓу Анкара и членки на НАТО пред десетина дена реагираше и генералниот секретар на Алијансата Јенс Столтенберг кој побара брзо надминување на билатералните спорови меѓу земјите членки што сепак не спречи одложување на неколку операции во Турција кои што требаше да започнат на 17 март .
Претходно Турција во неколку наврати ја обвини Германија дека дава прибежиште на припадници на забранетата ПКК и крајно левичарската Народна Ослободителна партија (ДХКП - Ц) кои во последниве неколку децении убиле над 1200 турски полицајци и војници во конфликтните региони во Турција. Владата во Берлин негираше дека на кој било начин ги толерира терористичките групи на своја територија.
Ново на Сител
-
Истрага за Онкологија – кој се ќе одговара за поигрување со човечки животи?
-
ЦГК: Општините и министерствата заедно трошат над 2 милиони евра годишно за адвокати
-
СДСМ бара да се повлечат измените
-
Андоновски: Државата нема да забрани Тик-Ток, ќе работиме на едукација на родителите
-
Телеком го поддржа театарскиот проект Замисли нов свет
-
Преглед на вестите од светот
-
Артан Груби се повлекува од јавниот живот иако тврди дека е чист како солза
-
Уставен се подготвува за седница на која со експерти ќе се разгледува законот за јазиците